Манай зоригт эрчүүдэд дотроо айж явдаг нэг сул тал байдаг гэнэ. Германы эрдэмтдийн судалгаагаар эрчүүд орон дотроо илүү их айдсыг мэдэрдэг гэсэн сонирхолтой дүн гарчээ. Тэд юунаас ингэтлээ айдаг юм бол?

Айдас 1. 
Гэнэт секс бүтэлгүйтвэл яах вэ? Ялангуяа энэ айдас өмнөх харилцаандаа бүтэлгүйтсэн эрчүүдэд илүү төрдөг.
Бүсгүй ямар арга хэмжээ авах вэ? 
Түүнийг хүнд байдалд бүү оруул. Өөрт чинь ямар их хэрэгтэй байгааг түүнд ухамсартайгаар, энхрий ялдам байдлаар хэлж итгүүл. Хэрэв та өөрийн энэ хулчгар жаалаа ор луугаа чангааж өвөртөө оруулж чадсан бол санаачлагыг гартаа авах хэрэгтэйг анхаар.

Айдас 2. 
Эрчүүдийн 64 хувь нь сексийн харилцаанд орохдоо найз бүсгүйнх нь урьдын залуу нь жинхэнэ “секс бөмбөг” байсан байх даа гэсэн бодол төрдөг гэнэ. Энэ бодлыг нь бүсгүйнх нь хуучин амьдралынхаа талаар санаандгүй цухуйлгасан үг улам баталгаажуулдаг байна.
Бүсгүй ямар арга хэмжээ авах вэ?
Хэт илэн далангүй байхаас зайлсхий. Ялангуяа таны амьдралд өмнө нь цорын ганц эр хүн байсан ч түүний тухай асуугаагүй тохиолдолд үг бүү цухуйлга. Гэхдээ хэт үнэрхэж, нууцлаг байх нь бас гэмтэй гэдгийг анхаар.

Айдас 3. 
Эрчүүдэд гадаад үзэмж, сайхан царайтай байх тийм ч чухал биш гэж бид өөрсдөдөө итгүүлэхийг хүсдэг ч үнэн хэрэгтээ тэдний 50 хувь нь энэ асуудал дээр эсрэг байр суурийг баримталдаг.
Бүсгүй ямар арга хэмжээ авах вэ? 
Бага зэрэг гүзээтэй эрчүүд булчинлаг эрчүүдээс илүү их таалагддаг тухай байнга ярьж бай. Хэсэг хугацааны дараа тэр тайвширч та ч үгээр хэлэхийн аргагүй сэтгэл ханамжийг мэдрэх болно.

Та хэзээ ч юм “Эрчүүдийг танин мэдэх гарын авлага”-тай болох юмсан гэж бодож байв уу? Таныг цахилгаан хэрэгсэл худалдаад юм уу бэлгэнд авахад хэрхэн ашиглах тухай өнгөтэй будагтай, зурагтай чимэгтэй хөөрхөн танилцуулга байдаг. Харин эрчүүдийн хувьд?

Үнэндээ бид эрчүүдийг өөр бусад ямар нэг техникээс хавьгүй их ашигладаг байтал тэдний яаж ажилладаг тухай заавар хаана ч байхгүй, бид өөрсдөө л нэг бүрийн тухай шаггүй их цаг зарж мэдэж авах хэрэгтэй болдог шүү дээ.
Бид насан туршдаа л ааваасаа эхлээд өвөө, ах, дүү, хүү, ангийн хүүхэд, үерхдэг залуу, ажлын газрын түнш, хөрш айлын залуу, эр нөхөр, нууц амраг гээд эрчүүдтэй холбоотой байсаар дуусдаг. Бид тэднийг ойлгож, харилцаж, асран халамжилж, хайрлаж мөн тэднээс яг тийм хариу олох гэж хичээдэг. Ингэж чадвал “эрчүүд гайхалтай хүмүүс, хамгийн дотны, сайн сайхан хүн” маань байх бөгөөд бид тэдэнгүйгээр амьдарч чадахгүй гэж боддог. Харин ингэж чадахгүй болсон үедээ эрчүүд бол хамгийн хэцүү, хөгийн, тэвчишгүй амьтад бөгөөд дахин тэдэнтэй хэзээ ч орооцолдохгүй байх юмсан гээд л бараг ам тангараг тавихаа шахдаг. Хэрвээ та надтай адилхан л эмэгтэй бол таны амьдралд хэзээ нэгэн цагт “Энэ залууг эргүүлээд үйлдвэр лүү буцаагаад өгөөч, энэ хэзээ ч “засрахгүй” юм байна”, эсвэл “Энэ загвар нэгэнт хуучраад хэрэглээнээс гарчээ. Би яагаад ч үүнийг зохих ёсоор нь ажиллуулж чадахгүй юм байна” /тоглоом шүү/ гэж бодох үе байсан л байгаа.

Үнэнийг хэлэхэд эрчүүд гэдэг ойлгоход дэндүү амархан мэт боловч мөн тэр хирээрээ хэцүү “техник” юм. Ерөнхийдөө та бүхэн эрчүүдтэй харилцах боломжтой хамгийн түгээмэл гурван төрлийн харилцаанаас өөрийн хүссэнээр сонголт хийж болно.
1. Та эрчүүдтэй өөрийг чинь галзууртал уурлуулсаны төлөө уурсаж, тэдэнд үглэн гомдоллосоор амьдарна. Энэ нь хэдэн цаг дотор зугаатай мэт боловч хэдэн жилийн дараагаас ямар ч сонирхолгүй, гоё сайхан зүйлгүй амьдрал болон хувирна.
2. Та эрчүүдээс бүрмөсөн татгалзаж харин томхон биетэй сагсгар үстэй, гоёмсог нохой худалдан авна. Энэ нь харьцангуй хямд, танаас харьцангуй бага хүч, боломж шаардах боловч харамсалтай нь тэр бүр таны хүссэн тайтгарал, тайвшрал, сэтгэл хангалуун байдлыг өгч чаддаггүй.
3. Та эр хүнтэй хамт амьдрах нь танд өөрт чинь таашаал, аз жаргал өгнө гэдгийг бүрэн мэдэрч, амьдралаас хүртэж чадах хирээрээ сайхан амьдрахын тулд эрчүүдийн тухай бүх зүйлийг олж мэдэж тэднийг ойлгож, залж чаддаг болохыг хичээж болно.

Бүсгүйчүүд бидний өмнө үнэндээ ийм л гуравхан зам байдаг. Тиймээс хэдий өндөр өртөгтэй, цаг зав шаарддаг ч бидэнд хамгийн их аз жаргал өгч болох нь гурав дахь сонголт учир би л лав энэ замыг сонгож аваад л чадахаасаа чадахгүйгээ хүртэл үзнэ. Та харин яах вэ?

Ямар ч эрэгтэй хүн хайртай бүсгүй, халамжит эхнэрийхээ заавраар амьдрах дургүй байдгийг санаарай. Тэд үүнийг гаднаа илэрхийлдэггүй, дотроо хадгалдаг байна. Таны найз залуу чинь эсвэл эр нөхөр чинь хөлбөмбөг, хоккей үзэхээр ч юмуу ер нь хүссэн газар руугаа явахад нь бүү саад хий. Харин хаашаа явах гэж байгаагы нь эвтэйхэн асууж сур. Гэхдээ хэзээ ирэхийг нь сонирхсоны хэрэггүй. Очих газраа үнэн хэлдэг хүн эргэж ирэх цагаа өөрөө хэлнэ. Эрчүүдийн хийх ажил, хэзээ, хаашаа явах цагийн хуваарийг нь та гаргасны хэрэггүй.

Цаг ямагт сонирхолтой бай:
- Мэдээжийн хэрэг, богино цамц, биеийн тамирын өмд эсвэл зөөлөн торгомсог халадтай гэртээ байх нь танд чөлөөтэй, эвтэйхэн санагддаг л даа. Гэхдээ энэ нь таныг бусдын өмнө сонирхолгүй харагдуулна гэдгийг анхаарахад илүүдэхгүй болов уу. Ямар ч эр хүн хүүхнүүдийг тэр дундаа сэтгэлтэй хүнээ цаг ямагт дэгжин цэвэрхэн, сайхан байхыг нь харах дуртай байдгийг санахад илүүдэхгүй.

Уян хатан, зөөлөн чанар хэрэг болдог: 
- Эмэгтэй хүний тэсвэр тэвчээртэй, эршүүд занг магтан дуулдаг. Үүнд буруу юм байхгүй. Гэвч бодит амьдралд хүүхнүүд уян хатан, зөөлөн байснаар ялалтанд хүрэх нь олонтаа. Эрчүүд эмэгтэйчүүдийн нулимсанд дургүй мөртлөө тэднийг буулт хийхэд өршөөнгүй ханддаг байна. Учир нь тэд зөөлөн, сул дорой байх нь эмэгтэй хүний нэг шинж хэмээн үздэг гэнэ.

Хамгийн гол нь санаагаар бүү уна: Учир нь тэр амьдралд чинь тохиолдоод өнгөрөх жирийн нэгэн байжээ. Харин үүнээс сургамж аваад алс ирээдүйгээ бод. “Дурлал хөрсөн бол түүнийг халаа, эсвэл гаргаж хая. Энэ нь сэрүүн газар хадгалагдаж байдаг бүтээгдэхүүн биш” гэж хэлсэн байдаг. Эцсийн эцэст эрчүүд таны бодсон шиг тийм ч гайхамшигтай хүмүүс биш.

Гэрлэсэн ч бай, гэрлээгүй ч бай аливаа хосуудыг салахад ихэвчлэн эрчүүдэд л хамаг бурууг нь тохож, амтай бүхэн л хүүхнийг нь өмөөрч, хархүүг нь газар дор ортол нь муулж байж санаа амардаг.
Тэгвэл найз залуу, нөхөр сүүдрээ салах шалтгааныг охид, бүсгүйчүүд та нар тавьдаг юм биш биз? Доорх таван тохиолдол байнга давтагдаж, улиг болсон үед эр хүний тэвчээр барагдаж эмэгтэй хүнээс аль болох хол байхыг эрмэлздэг байна.

1. Хэрэв чи нулимсаараа эр хүнийг дийлнэ гэж боддог бол эхэн үедээ чамайг өрөвдөж, үгэнд чинь орох боловч яваандаа “буруугаа” ухамсарлан аль болох чамайг зовоохгүйг хичээж өөрөө хөндийрөх болно
2. Хичнээн найз нөхөд байсан ч бусад эрчүүдтэй сээтэгнэн, өөрийг нь үл тоох маягаар хандвал нэг бус нэлээд хэдэн удаа тэвчсэний эцэст яваад л өгнө.
3. Эцэг эхтэй нь хэл амаа ололцохгүй, амьдралынх нь хэв маягыг хүлээн зөвшөөрөхгүй, муулж ад үзэхийг эрчүүд тэвчдэггүй.
4. Анх чамайг хараад дурлаж байсан тэр үеийнхээс нь чи эрс өөрчлөгдөж дэндүү буддаг болох, үсээ тайруулах, хэт таргалах, зан ааш чинь хувирч өөрт нь өөрөөр хандаад ирэх гэх мэт тохиолдолд ил хэлээд байхгүй ч далдуур нэг юм бодож л яваа.
5. Өөрөө хоолны дэглэм барьж, турах дасгал хийнэ гэдэг чинь хажуудахаа бас сойгоод бай гэсэн үг биш юм. “Эр хүнийг ходоодоор нь татдаг”-гэсэн үгийг хэзээ ч мартах хэрэггүй!

Тэд 24 цагийн тогтсон хувиарт мэхлэгддэггүй

Та нэг ажлыг өдөр бүр тогтсон цагтаа хийх албагүй. Би гэр бүлтэй болохоор орой бүр дасгал хийгээд байж чадахгүй гэж хүмүүс их хэлдэг. Гэхдээ л танд долоо хоногт нэгээс хоёр удаа дасгал хийх боломж байгаа. Долоо хоногийн хэдэн өдөр нь гэр бүлтэйгээ хооллох юм уу сардаа ганц удаа найзуудтайгаа уулздаг байх нь төлөвлөгөөнд орох шаардлагагүй гэж бодож болохгүй. Хааяа хийдэг ажлуудаа ч гэсэн аль болох төлөвлөгөөндөө багтаах нь зөв.

Тэд зурагт үздэггүй

Зурагтад буруу байхгүй боловч бидний төсөөлснөөс их цагийг авдаг. Гадны орнуудад зурагт үзэхээс татгалзах хандлага ажиглагдаж байгаа. Цагийн гарз гэж үздэгээс үүдэлтэй. Иймд тэд зурагт үзэх нарийн дүрэм гаргадаг. Жишээ нь хүүхэд юм уу өсвөр насныхан үзнэ гэх мэтээр. Нэг бол зурагт үзэх цагаа (тодорхой хэдэн нэвтрүүлэг үзэх буюу зорилгогүйгээр суваг сольж суухгүй байх) багасгаснаар бүтээхийг хүссэн бусад зорилгуудаа хөөх боломж гарч ирдэг.

Тэд дасгал хийдэг

Амжилтыг араасаа дагуулж буй бүсгүйчүүдийг судалтал тэд нарийн дийлэнх нь тодорхой хэмжээгээр дасгал хийдэг байв. Бид нараас завгүй хүмүүст хүртэл дасгал хийх цаг гардаг. Гэхдээ тэд нар дасгалаа мөн л төлөвлөсөн байдаг. Орой гэнэт дасгал хийх хүсэл төрнө гэж боддоггүй. Мөн фитнес заал орох завтай байна гэж тооцоолдоггүй. Тиймээс дасгал хийх цагаа урьдчилан товлодог. Ялангуяа гэр бүлтэй бүсгүйчүүд гэртээ харихаасаа өмнө дасгал хийдэг бөгөөд энэ нь анхаарал нь өөр зүйлд сарнихаас сэргийлж буй хэрэг юм.

Тэд цагийг хөгжилдөж өнгөрөөдөг

Амжилттай яваа хүмүүс гэр бүлтэйгээ өнгөрөөх цагийн тоог биш чанарыг чухалчилдаг. Гэр бүлийн хамт хөгжилдөж болох ядахдаа нэг зүйлийг бодож олох хэрэгтэй. Хамт хооллоно, гэрийн даалгавар хийлгэнэ, угаалга хийнэ дараа нь унтана гэсэн хуваарьтай байж болохгүй. Хуваарь дээрээ ганцхан зүйлийг нэмэхэд л хүн бүрийн сэтгэл сэргэдэг. Та үүнийг урьдаас төлөвлөх албагүй. Гэрийнхэнтэйгээ гарч дугуй унах, эсвэл дэлгүүр орж зайрмаг авах, түр салхилах эсвэл хүүхдүүдтэйгээ шатар тоглох зэрэг хийх зүйлс олон бий.

Тэд онлайнаар үйлчлүүлдэг

Амжилтад хүрсэн бас завгүй хүмүүс ажлаа хийлгэх төлөөний хүмүүсийг сонгодог. Мэдээжийн хэрэг танд туслах эсвэл санхүүч байхгүй нь ойлгомжтой ч гэсэн OO цаас авах гэж дэлгүүр гүйлгүйгээр, мөнгө орсныг шалгах гэж банк оролгүйгээр онлайнаар эсвэл гар утсаараа бүх асуудлаа зохицуулж болдог. Ганцхан товчлуур дарах төдийд хийж болдог олон ажил бий.

Тэд нойрыг чухалчилдаг

Орой ганц цаг сууж ажлаа хийх үү гэж бодоо юу? Өндөр орлоготой бүсгүйчүүдийн дийлэнх нь 7-9 цагийн нойрыг тогтмол авдаг. Би өглөө 5 гээд л сэрчихдэг гэсэн хүмүүсийн үг үнэн гэдэгт би үнэмшдэггүй. Амжилтад хүрсэн хүмүүс сайн нойр авсан цагт ухаалаг шийдвэр гаргаж, толгой сайн ажилладаг гэдгийг хэнээс ч илүү мэддэг.

Хүний гарын алга амьдралын нь олон зүйлийг хэлж өгдөг гэдгийг бид мэднэ. Ялангуяа эрчүүдийн гарын алганаас түүний сексийн чадавхи, дур хүслийн талаар олон зүйлийг олж мэдэж болдог гэнэ. Эр хүний гарын алганд тэдний яагаад ч нууж чаддаггүй 5 чухал нууц бий. Та үүнийг уншаад саяхан танилцсан залуугийнхаа гарыг өөрт нь мэдэгдэлгүйгээр судалж ч чадах нь.

1. Түүний сексийн чадавхи
Гарын хуруунуудын нь доогуур алгыг нь хөндлөн гарсан зүрхний шугамыг нь хайж ол. Хэрвээ зүрхний шугам нь тан руу инээмсэглэж байгаа мэт зураас байвал тэрээр дурлан, хайрлах боловч таны бүх л анхаарал, хайр халамж нь түүний төлөө байхыг хүсдэг. Хэрвээ зүрхний шугам нь мурийж тахийгаагүй шулуун байвал сексэд шунамхай, ерөнхийдөө сувдаг зантай байж болзошгүй.

2. Тэр үнэнч байж чадах уу?
Түүний үнэнч байж чадах эсэхийг нь мэдэхийг хүсвэл чигчий хурууны нь доогуур явсан амьдралын нь шугамыг анхааралтай ажигла. Ганц, гүн зураас байвал тэр илүү тогтвортой сэтгэлтэй байх болно. Харин олон жижиг зурааснууд байвал түүний толгойг эргүүлэх илүү хялбар байдаг байна.

3. Дур хүсэл нь хэр өндөр байдаг вэ?
Хэрвээ залуугийн тань ядам хуруу харьцангуй урт бол сексийн хүсэл сонирхол өндөртэй хүн байна.

4. Тэр бэлэг өгөгч үү, авагч уу?
Хэрвээ эрэгтэй хүн бүх хуруугаа нийлүүлэхэд хуруунуудын бүр угаар нь гэрэл нэвтэрч байвал тэр хүн тун ч өгөөмөр нэгэн гэнэ. Ерөнхийдөө гарын салаагаар нь мөнгө урсч байдаг ажээ. Харин огт гэрэл харагдахгүй байвал тэрээр харамч, хувиа бодсон хүний шинж гэнэ.

5. Тэр орондоо ямар вэ?
Хэрвээ эрэгтэй хүн гараа сарвайхад эрхий хуруу нь арагшаа хотойж байвал тэрээр орондоо сэтгэл хөдлөмтгий, зугаатай, элдвийг санаачлан туршиж үзэх дуртай байдаг байна. Харин эрхий хуруу нь хотойхгүй тэгш байвал тэр уламжлалт ганц л байрлалаар секс хийдэг, эсвэл бүр сексэд идэвхгүй хүн байх бололцоотой ажээ.

1. Өндөр боловсролтой өргөн мэдлэгтэй. Энэ маань зөвхөн нэг гайгүй нэртэй сургууль төгссөн ч юм уу эсвэл заавал өндөр хөгжилтэй оронд               боловсрол эзэмшсэн байхаас гадна бүх талын маш өргөн мэдлэгтэй байхыг хэлж байгаа юм. Өөрөөр хэлбэл оросоор бол кругозор сайтай                 гэдэг дээ. Тал бүрийн сэдвээр чөлөөтэй ярилцаж чаддаг байх хүмүүстэй ялангуяа надтай сонирхолтой яриа өрнүүлж чаддаг байх хэрэгтэй.

2. Эмэгтэй хүнийг ойлгодог хүндэтгэдэг байх. Ямар ч эмэгтэй хүнийг зүгээр л эмэгтэй хүн гэдэг үүднээс нь хүндэтгэлтэй харьцдаг, түүнийг дорд      үздэггүй, бүдүүлэг хараалын үг дэргэд нь хэлдэггүй байх. Үүнд ээжийгээ хайрлах, эгч дүүгээ хайрлах гэр бүлийн хүмүүжил чухал нөлөөтэй.         Эмэгтэй хүнийг хайрлан хүндэтгэж харьцдаг аавтай хүн энэ чанарыг түүнээс болон ээж аав хоёрынхоо харьцаан дээрээс өвлөн авдаг. Тиймээс     би эр хүнийг дэргэдэх эмэгтэйгээ ойлгодог болоход өссөн төрсөн гэр бүлийн хүмүүжил суурь нь болж өгдөг гэж боддог. Эмэгтэй хүнийг ойлгох    халамжлах гэдгийг заримдаа эрчүүд маань өмсөж зүүх, эдэлж хэрэглэх төдийхнөөр бодож “юу дутсандаа гомдоллоод байна” гэж андуу ташаа  ойлгох гээд байдаг. Эмэгтэй хүний сэтгэлийг дүүрэн байлгах нь эд хөрөнгөөр элбэг хангалуун байхаас хавьгүй  өөр зүйл. Товчхондоо дэргэд    байгаа бүсгүйгээ юу хүсч байгааг мэддэг, мэдэрдэг түүнийгээ яавал жаргалтай байдгийг нь олж хардаг билгийн нүдтэй байхыг хэлнэ.

3. Сексдээ сайн эрүүл чийрэг бие бялдартай байх. Энэ бол яахав ихэнхдээ байгаль эхээс хамаарах боловч дээрх чанарыг ялангуяа эрүүл                     байхын ач тусыг ойлгосон боловсролтой эр хүнд бол өөртөө төлөвшүүлэхэд тийм ч хэцүү зүйл биш юм. “Сексдээ сайн” гэдгийг зөвхөн бие              махбодь талаас нь ойлгож болохгүй. Энэ бол эр хүний хэр зэрэг чалхтай байх зэргээс нэлээн өргөн хүрээтэй. Иймээс эр хүний секст сайн                  байх эсэх нь түүний энэ талын боловсрол хүмүүжилтэй (бэлгийн боловсрол хүмүүжил гэж орчуулсан байх шиг байна билээ) холбоотой.                  Ер нь юм уншдаг эр хүн эмэгтэй хүнийг яаж жаргаахаа илүү сайн мэддэг.

4. Цэвэрч нямбай байх. Хэдийгээр монголчууд эр хүн хээгүй нь дээр гэж ярьдагч надад бол үнэндээ хээгүй эр хүн огтоос таалагддаггүй. Ядаж           өглөө босоод усанд орж заншаагүй бол миний хувьд байж боломгүй дутагдал гэж үздэг. Хувийн ариун цэврийг сахидаг цэвэрч цэмцгэр эр хүн      бол жинхэнэ эрчүүдийн нэг мөн. Хамгийн наад зах нь эр хүн эмэгтэй хүнтэй орондоо байхдаа амнаасаа ямар үнэр үнэртэж байгаа бол гэж бодох   чадвартай байх ёстой. Мөн хөлсөө биш даруухан сайхан үнэртэн үнэртүүлсэн эрчүүдэд би дуртай.

5. Сайн эцэг байх. Жинхэнэ эр хүн хүүхдийнхээ хүмүүжилд цаг зарцуулж чаддаг хүүхдүүдийнхээ дотны найз нөхөр туслагч нь байх ёстой.

6. Халамжтай байх. Эмэгтэй хүнд хайр халамжаа харамгүй өгдөг тэр хэрээр өөрөө түүнээс халамж хайр авч чаддаг байх. Жишээлбэл өглөөний         цай оронд уулгадаг эр хүн бол жинхэнэ эр хүн. Ялангуяа амралтын өдрүүдээр жаахан унтаад сэрэхэд хажууд минь сайхан бэлтгэсэн өглөөний     цай орон дотор өгвөл би л лав хамгийн аз жаргалтай эмэгтэй гэж өөрийгөө бодно.

7. Романтик зан. Романтик эрчүүд эмэгтэйчүүдэд их таалагддаг. Яагаад гэхээр ихэнх эмэгтэйчүүд романтик байдаг. Гэнэт үе үе цэцэг бэлэглэх ч      юм уу эсвэл янз бүрийн хөнгөн романтик бэлэг барьдаг эр хүн сайхан байдаг. Мөн жилдээ ядаж нэг удаа намайг романтик аялалд урьчихдаг       бол бүр ч догь.

8. Дон Жуан биш ч хүссэн эмэгтэйнхээ толгойг эргүүлж дөнгөдөг. Хэн нэгэн эмэгтэй таалагдлаа гэхэд түүнийг яаж өөртөө татах вэ гэдгээ эр хүн      сайн мэддэг байх ёстой. Дэлхийн хамгийн алдартай завхай эр Дон Жуан яавал энэ эмэгтэйг өөртөө дурлуулах вэ гэдгийг сайн мэдэж байсанд       түүний нууц оршиж байдаг. Тэрээр өөр өөр зан араншинтай, өөр өөр үзэл бодолтой, нийгмийн анги давхаргын хувьд ч өөр өөр эмэгтэйчүүдийг    өөртөө дурлуулахдаа тэдгээрийн дотоод сэтгэлийг сайн мэдэрч эмэгтэй нэг бүрт тохирсон арга хэрэглэдэг. Тэгэхээр хэн нэгэнд дурлачихаад         түүний араас элдэн хөөж нөгөө эмэгтэйгээ залхаах биш яавал түүнд би таалагдах вэ гэдгийг л эр хүн мэдэж байхад хангалттай.

9. Эр зоригтой, хүн чанартай эр хүн. Эр хүн хулчгар шийдмэг бус байх нь хажууд буй бүсгүйдээ эргэлзээ төрүүлдэг. Асуудал тулгарахад сүүлээ      хавчаад зугтаадаг хүн чанаргүй хувиа бодсон эр хүнийг би л лав яав ч хайрлахгүй. Тэгээд эр хүн гэдэгтэй эр зориг гэдэг үг ямагт хамт                  оршсоор ирсэн.

Б.Эрхэмбаяр

Эрчүүд дурласан бүсгүйгээсээ айдаг гэвэл сонин санагдаж мэднэ. Гэхдээ л энэ бол үнэн. Америкийн сексологич Эдвард Морри “Эрчүүд ямар хүүхнээс айдаг вэ” гэсэн судалгааныхаа дүнг танилцуулахад яг ийм дүгнэлт гарчээ.
Сонирхолтой нь уг дүгнэлт хэнийг ч гайхашруулаагүй гэнэ.

Эрчүүдийг айлгадаг эмэгтэйчүүдийн 4-р байрт хэтэрхий эзэрхэг бөгөөд захиран тушаах дуртай, уур цухалтай хүүхнүүд оржээ.
3-р байрт булчинлаг биерхүү, эр хүнээс илүү тэнхээтэй бүсгүйчүүд орсон байна. Өөрөөсөө том биетэй хүүхэнд эрчүүд дуртай атлаа яагаад ч юм жийрхдэг гэнэ.
2-р байрт боловсролтой, хямсгар, ухаалаг бүсгүйчүүд оржээ. Албаны хэнээтэй дарга даамлын алба хашдаг эмэгтэйчүүд ямагт эрчүүдэд хүйтэн цустай мэт санагддаг. Гэтэл үнэн хэрэггээ тийм эмэгтэйчүүд дур тачаалаар хосгүй, ор хөнжлийн ажилд янхнуудаас ч идэвхтэй байдаг ажээ.

Харин эрчүүдийг айлгадаг эмэгтэйчүүдийн нэгдүгээр байранд гоо үзэсгэлэнтэй бүсгүйчүүд орсон нь гайхалтай. Сайхан хүүхэнд дургүй эр хүн хорвоод байхгүй боловч гоо үзэсгэлэнгээс тэд сүрддэг байх юм.
Санал асуулганд оролцсон эрчүүдийн 70 хувь нь сайхан бүсгүйтэй танилцахдаа баярладаг атлаа өөрийн эрхгүй сүрдэж бишүүрхдэг ажээ.

Таны толгойд эрэгтэй хүн найзуудтайгаа нэг газар суучихаад, шоколад эсвэл чипс идэнгээ тэдэнд найз бүсгүйнхээ муухай аашийн талаар ярьж суугаа дүр зураг буухгүй байх л даа.

Эсвэл танд тэдний эмэгтэй хүнтэй маргалдсан үедээ бүтэлгүй хайрын тухай дуу сонсоод, өдөр шөнөгүй зурагтаар савангийн дуурь үзэж суугаа байдал ч төсөөлөгдөхгүй. Гэхдээ судлаачид сэтгэлийн шарх болон салалт тэдэнд биднээс илүү хүндээр тусдгийг олж илрүүлсэн байна.

АНУ-ын Вейк Форестын Их Сургуулийн профессор Робин Саймон 1000 ганц бие насанд хүрэгчдийн дунд судалгаа явуулсны эцэст дотны хүнтэйгээ таарамжгүй байгаа эрчүүдийн сэтгэлзүй хүчтэй цохилтонд ордог гэсэн дүгнэлтэнд хүрчээ. Учир нь тэд ямарваа нэг хэцүү асуудалтай тулгарсан үедээ энэ тухайгаа ихэвчлэн найз бүсгүйчүүддээ хэлж тайтгардаг байна. Жирийн найз нөхөд, эсвэл гэр бүлийнхэн, ах дүүс нь тэдэнд хангалттай дэм болж чаддаггүй юмсанжээ. Өөрөөр хэлвэл тэдний хувьд хайртай бүсгүй нь энэ дэлхий дээрх түүний талд зогсож чадах цорын ганц хүн байдаг гэнэ. Тиймээс ч амьдралд нь тэрхүү чухал байр суурийг эзэлдэг эмэгтэйтэйгээ хагаралдаж, муудалцангуутаа маш их ганцаардлыг мэдэрдэг байна.

Түүнээс гадна эрчүүд эмэгтэйчүүд шиг сэтгэл хөдлөлөө ил гаргадаггүй, дотроо хадгалж явдгаас, зовлон шаналал нь олноороо бөөгнөрч нэг л өдөр тэсгэл алдахад нь хүргэдэг хэмээн ноён Саймон өгүүлж байсан аж. Иймээс бидний түшиг тулгуур болсон эрчүүдийгээ хайрлаж явахыг уриалъя хүүхнүүд ээ!

Танд ер нь эрчүүдийн “түлхүүрийг” олж сурах юмсан гэж бодогдож байв уу? Хэрвээ та талх шарагч ч юм уу, өөр нэг цахилгаан хэрэгсэл авсан бол уг хэрэгсэлтэй хэрхэн ажиллах, яаж өөрөө гэмтэхгүй байх, удаан эдлэх талаар өгүүлсэн “хөөрхөн” бяцхан ном дагалдаад ирнээ дээ?

Гэтэл нэг эртэй холбогдлоо гэхэд дагалдаж ирдэг тийм “гарын авлага” байдаггүй нь гачлантайяа. Уг нь бүсгүйчүүд бид эрчүүдийг аливаа бусад техник хэрэгслээс хавьгүй их “ашигладаг” шүү дээ. Тиймээс бид тухайн эрээ “таних” гэсээр амьдралынхаа чамгүй олон жилийг зарцуулж орхидог доо. Зарим маань бүр учрыг нь олж чадахгүй байсаар салж, дахиад нэг эрийн учрыг олохоор хайран цагаа дахиад л үрж эхэлдэг.

Амьдралын гэгээн өдөр бүр бид аав, хүү, дүү, нөхөр, найз, нууц амраг, ажлын түнш гээд төрөл бүрийн эрчүүдтэй харилцаж байдаг. Бид уг нь тэднийг ойлгож, ойр дотно харилцаж, халамжилж, хайрлаж, бас тэр хэрээрээ яг тийм сэтгэлийг хариу хүлээж байдаг. Энэ бүхэн амжилттай байх үед бид “эрчүүд гэж хамгийн сайн, сайхан хүмүүс, тэдэнгүйгээр бид яана даа?” гэж бодоод, хамаг оролдлого маань талаар өнгөрөх үед бухимдаж цөхрөнгөө барахдаа “энэ эрчүүд гэж хамгийн хэрэггүй амьтад, магадгүй “энэ техник эвдэрчээ, засварт өгөхөөс” гэж халаглаж суудаг. Хэрвээ та надтай л адил эгэл жирийн бүсгүй бол яг ийм байдалд орж, “Болих минь. Эвдэрхий техниктэй ноцолдож байхаар үйлдвэрт нь буцааж өгөөд шинийг авъя” гэж бодох үе байсан л байх.
Өнөөдрийг хүртэлх амьдралынхаа туршлагаас харвал эрчүүдтэй харилцах үндсэн гурван төрлийн харилцаа л байдаг бололтой. Та үүнийг уншаад аль хэлбэрийг нь сонгохоо шийдээрэй л дээ.

Нэгдүгээр хувилбар. Та өөрийг чинь галзууруулах дөхөж байгаа гэж тасралтгүй үглэн уурласаар нэг насаа хамт барах /Энэ бол хэдэн цагийн хувьд зугаатай ч хэдэн жилийн дараа бүх л үнэ цэнээ алдаж, амьдрал сонирхолгүй болдог/

Хоёрдугаар хувилбар. Та эрчүүдээс нэгмөсөн татгалзаж, харин хөөрхөн бяцхан нохой худалдаж ав /Энэ нь хамаагүй хямд боловч тэр болгон хүссэн үр дүнд хүргэдэггүй/

Гуравдугаар хувилбар. Та сонгон авсан эртэйгээ аз жаргалтай амьдрахын тулд эрчүүдийн тухай бүх зүйлийг ойлгож мэдэх /Энэ нь хэцүү, цаг их авах, магадгүй их үнэтэй боловч танд хамгийн сайхан мэдрэмжийг өгнө/
Эр хүн гэдэг нэг талаасаа маш хялбар боловч нөгөө талаасаа яагаад ч ойлгож боломгүй “шинжлэх ухаан” юм шүү.

Үргэлж сууж ажилладаг эсвэл фитнесс явах завгүй эрчүүдэд тулгардаг том асуудлын нэг бол “турах” билээ. Хичнээн турахыг хүссэн ч, цаг завгүйгээсээ болж өөртөө анхаарал хандуулахаа больсон бүх эрчүүдэд энэ дасгал тохирно гэдэгт итгэлтэй байна. Доорх дасгалуудыг та гэртээ, гадаа хүссэн үедээ хийж болно.

1. Бие халаалт хийхдээ 30 минут гүйлтийн зам дээр эсвэл гадаа гүйгээрэй.

2.  “Үсрэлттэй суулт” – Хөлдөө мөрний хэмжээний зай авч, доош хагас суугаад, дээш үсэрнэ. Тасралтгүй 10 удаа хийгээрэй. Энэ суулт нь таны жинг хасахаас гадна гуя болон өгзөгний булчинг хөгжүүлнэ шүү.

3. “Суниалт” – 10 удаа амралтгүй дарааллуулж суниана. Дараагийн дасгал хийхээсээ өмнө хэсэг хугацаанд амарч болно. Энэ дасгал таны гарын булчин болон цээжийг хөгжүүлнэ.

4. “Гэдэсний таталт” – 10 удаа хийгээд мөн дунд нь амралттайгаар 10 удаа давтамжтай нийт 100 удаа хийнэ. Энэ дасгал таны хамгийн асуудалтай хэсэг болох гэдэсний булчинг хөгжүүлнэ. Хамгийн гол нь шантрахгүй хийх чухал шүү.

emch.mn